Jach kí'imak k óol k taasik tu ka'aten uláak' jump'éel boletin.
Junjaats ti' le péektsilo'ob ku taasik le boletina', jach k'a'anan, tumeen, meyajo'ob je'el bix le ku beetik Mejen T'aano'ob, máaxo'ob ts'o'ok u máan k'iin jo'op'ok u meyajo'ob tu kaajilo'ob Cholul, Tiholop yéetel Catmis, tu'uxe', ku ye'esiko'ob xan ba'ax noj meyajilo'ob ku taal u beetiko'ob ti'al u mu'uk'a'ankúunsiko'ob maaya t'aan.
Le óolal k k'aat ts'áa ojéeltbil u meyajo'ob, bey xan ti' le máaxo'ob yan u yóolo'ob u túuch'pachtiko'ob le maaya t'aano', k ojel ya'ab meyajo'ob yaan tu paach tu'uxe' ya'ab u téenele' k t'óochpajal ichil u bin k xíimbal.
Jujump'íitil ku bin k tsikbaltik te'ex u maasil ba'axo'ob meyajilo'ob ku ta'al u beeta'al.
Je'el bix suukile' k p'atikte'ex u boletini' le wi'inala', tu'ux yaan ba'axo'ob ku taal u meyáajtik U Péekbal Waye' je'el bix: péektsilo'ob, xíimbalo'ob, ki'imak óolal, yéetel junjaats Náaysaj óoli' tu'ux yaan kaxan t'aano'ob, laberinto, k'ak'alt'aano'ob yéetel na'ato'ob. Kexi' ka utschajak ta wiche'. 😊
Wa a k'áat a wéens le boletina' je'el u béeytale', chen a ts'áank'abtik te'ela':