Jach kí'imak k óol k taasik U Boletín Péekbalo'ob tu wi'inali' junio.
Te' wi'inala' k taasik jump'éel péektsil jach k'a'anan a wojéeltike'ex je'el bix u káajbal u beeta'al jump'éel curso ti'al u mu'uk'a'ankúunsa'al k maaya t'aan, nib óolal ti' le máaxo'ob ku táakpajalo'ob ti' le noj múuch' meyaj yéetel U Péekbal Waye', le meyaja' yaan u p'áatal bey jump'éel bix u ti'al u kanal le t'aano'.
Jujump'íitil ku bin k tsikbaltik te'ex u maasil ba'axo'ob meyajilo'ob ku ta'al u beeta'al.
Je'el bix suukile' k p'atikte'ex u boletini' le wi'inala', tu'ux yaan ba'axo'ob ku taal u meyáajtik U Péekbal Waye' je'el bix: péektsilo'ob, xíimbalo'ob, ki'imak óolal, yéetel junjaats Náaysaj óoli' tu'ux yaan kaxan t'aano'ob, laberinto, k'ak'alt'aano'ob yéetel na'ato'ob. Kexi' ka utschajak ta wiche'. 😊
Wa a k'áat a wéens le boletina' je'el u béeytale', chen a ts'áank'abtik te'ela':